Sustrai guzien sustraia
Soro belar usain ahantzia
Bizitzaren sakoneko arnasa
Izar ilargiaren gaueko solasa
Lili, landeren lurrintasuna
Haize ferekaren isiltasuna
Zeru illun, beltzetako ekaitza
Oholdearen burrunba latza
Zuhaitz zaharren deiadarra
Euri, iduzki ezkontz orzadarra
Oihanetako isiltasun basatia
Errexinolaren kantu xoragarria
Uhainen joan etorrien poema
Gau beltzetako fantasma
Udako egunsentiaren bertsua
Sumendietako pindar ta sua
Errekaren ur hotzaren dantza
Neguko elurraren malko hotza
Mendi zolako lanbroen sekretua
Itsasoak irentsitako uharte galdua
Basamortuko haizearen bakartasuna
Gauean izarrek sortutako maitasuna
Iratzeak gorritzen daukan mendialdea
Gauza guzien heriotz ondoko pizkundea
Helios izarraren inguruan zabiltza Itzulika